ಕವಿತೆ

ಕವಿತೆ....! ಪ್ರೇಮದಿ ಉದಿಸಿದೆ ಸುಗವಿತೆ
ಅದೀಗ ಆಗಿದೆ ರಸಗವಿತೆ.
ನಿನ್ನಯ ಸಹವಾಸದಿ ಮೂಡಿದೆ ಹೊಸತು ಕವಿತೆ...!

ಸೃಷ್ಟಿಯಲಿ ಗಂಡು ಹೆಣ್ಣಿಗೂ ಸ್ನೇಹ,
ಅದರಿಂದ ಮನದಲಿ ಮೂಡಿದೆ ಮೋಹ.
ಆ ಸ್ನೇಹದಿ ಮುಳುಗಿರಲು ಬಾಳಲಿ ಮೂಡಿದೆ ಹೊಸಕವಿತೆ.....!

ಪ್ರೇಮದ ಬಳ್ಳಿಯ ಬಾಡಲು ಬಿಡದು
ಬಿಸಿಲಲು ತಂಪಿತ್ತು ಸಾಕುತಲಿರಲು
ಸಮಯವೂ ಜಾರಿತು ಕವಿತೆಯೋಳು
ಹೊರ ಮೂಡಿದೆ ನಿನ್ನ ಮುಡಿ ಸೇರುವ ಕವಿತೆ ತಾನಾಗೆ.

ಸಖಿ ನೀ ಸಖನ  ಜೊತೆಗಿರಲು
ಸಂತೃಪ್ತಿಯೇ ಜೀವನ ಆಗಿರಲು
ಒಲವಿನ ಗೆಲುವಿಗೆ  ಬಯಕೆಯು ಕೂಡಿ
ಸಾಗಿದೆ ಕವಿತೆ ಈಗೆ ಸಖಿ ಸಖನ ಒಡಗೂಡಿ....!
        $ ವಸಂತ ಬಿ ಈಶ್ವರಗೆರೆ $