ನೀನಿಲ್ಲದೆ

ಬೆಳಗಿನಲ್ಲಿ ನೆರಳಿಲ್ಲ
ನೀನಿಲ್ಲದೆ ನಾನಿಲ್ಲ.
ನಿನ್ನ ಕಾಣದ ಕನಸು ಕನಸಲ್ಲ,
ನಿನ್ನ ನೋಡದ ಮನಸು ಮನಸಲ್ಲ.
ನೀನಿಲ್ಲದೆ ನಾನಿಲ್ಲ, ಬೆಳಕಿರದೆ ಬದುಕಿಲ್ಲ.

ಎಷ್ಟು ಕನಸು ನಿನ್ನ ಬಗೆಗೆ,
ಆಸೆಯ ಅಕ್ಷಯ ಪಾತ್ರೆಯ ಹೊಳಗು-ಹೊರಗೆ,
ನಿನ್ನ ತವಕ ಮನದ ಒಳಗೆ,
ನಿನ್ನ ಬಡಿತ ಎದೆಯ ಒಳಗೆ,
ನೀನಿಲ್ಲದೆ ನಾನಿಲ್ಲ, ಬೆಳಕಿರದೆ ಬದುಕಿಲ್ಲ.

ಬಾಳುವ ಆಸೆಯ ಮನಸಿನೊಳಗೆ,
ಕೂಡುವ ಬೇಗ ಕನಸಿನೊಳಗೆ,
ನಿನ್ನ ಮಿಡಿತದ ತಕ ತಕ,
ನಿನ್ನ ಉಸಿರಿನ  ಮಿಕ ಮಿಕ
ನೀನಿಲ್ಲದೆ ನಾನಿಲ್ಲ, ಬೆಳಕಿರದೆ ಬದುಕಿಲ್ಲ.

ಅನುರಾಗದಿ ತುಂಬಿ ಬಂದು,
ಅನುಗಾಲ ಇರಲಿ ಎಂದು,
ನೀನೆ ಮನದ ಮಂದಾರ,
ನೀನೆ ಪ್ರೀತಿಗೆ  ಶ್ರುಂಗಾರ,
ನೀನಿಲ್ಲದೆ ನಾನಿಲ್ಲ, ಬೆಳಕಿರದೆ ಬದುಕಿಲ್ಲ.

ಮನದಾನಂದವು ಹೆಚ್ಚಾಗಿ,
ಜಗದಾನಂದದಿ ಒಳಗಾಗಿ,
ನಿನ್ನ ಸೇರುವೆ ನಾನೀಗ
ಬಾಳು ಬೆಳಗಲಿ ಕೊನೆಗೀಗ....!