ಹಾಲ್ ಚೆಲ್ಲಿದಾಂಗ ಹೊಳಿತಾದ ಮಲ್ಲಿಗೆ
ಬೆಳದಿಂಗಳಲ್ಲಿ ನೋಡ್ಯಾಂಗ ಹರಲೈತಿ ಮಲ್ಲಿಗೆ
ಇದ ನೋಡೂಕಾ ಎರಡ ಕಣ್ ಸಲದಾಗೈತಿ..
ಏನ್ ಚೆಂದ ಮಲ್ಲಿಗೆ,
ನಿನ್ ಗುಡಿ, ಮುಡಿ, ಎಲ್ಲೆಂದರಲ್ಲಿ ನಿಂದೆ ದರ್ಬಾರಾಗೈತಿ...!
ಗಮ್ ಅಂತ ಸುವಾಸನೆ ಹೊರಸೂಸೈತೆ,
ನೂರಾರು ಅಡಿ ದೂರ ಇದ ಹರಡೈತೆ
ಹೋಗೋ ಮಂದಿ ಎಲ್ಲ ಇದ ಮೂಸಿ ನೋಡೈತೆ.
ಏನ್ ಚೆಂದ ಮಲ್ಲಿಗೆ,
ನಿನ್ ಗುಡಿ, ಮುಡಿ, ಎಲ್ಲೆಂದರಲ್ಲಿ ನಿಂದೆ ದರ್ಬಾರಾಗೈತಿ...!
ದುಂಡು ಮಲ್ಲಿಗೆಯ ಗಮ್ಮತ್
ಸೂಜಿ ಮಲ್ಲಿಗೆಯ ಕರಾಮತ್
ಜಾಜಿ ಮಲ್ಲಿಗೆಯ ಬಣ್ಣದ್ ಬಿಮ್ಮತ್
ಏನ್ ಚೆಂದ ಮಲ್ಲಿಗೆ,
ನಿನ್ ಗುಡಿ, ಮುಡಿ, ಎಲ್ಲೆಂದರಲ್ಲಿ ನಿಂದೆ ದರ್ಬಾರಾಗೈತಿ...!
ಹಾಸಿಗೆಯಲಿ ವಾಲಿಸ್ಯಾಡತಿ
ಮುಡಿಯ ಸೇರಿ ನಗಿಸ್ಯಾಡತಿ
ಗುಡಿಯ ಸೇರಿ ನೀ ಪೂಜಿಸಲ್ಪಡತಿ
ಏನ್ ಚೆಂದ ಮಲ್ಲಿಗೆ,
ನಿನ್ ಗುಡಿ, ಮುಡಿ, ಎಲ್ಲೆಂದರಲ್ಲಿ ನಿಂದೆ ದರ್ಬಾರಾಗೈತಿ...!
$ ವಸಂತ ಬಿ ಈಶ್ವರಗೆರೆ $