ಗೆಳತಿ

ಗೆಳತಿ ನಿನಗಾಗಿ ಬರೆದ ಪದಗಳೆಂಬ ಪುಂಜವ ಒಟ್ಟುಮಾಡಿ

ಇಂದು ನಿನ್ನ ಮೇಲೆ ಕವನ ಕಟ್ಟಿ ಸುರಿಮಳೆ ಗೈಯುವೆ.

 

ಕಪ್ಪು ಸಮುದ್ರದಲಿ ತೆಳುವ ಚಂದ್ರನ ತಂದು

ನಿನಗಾಗಿ ಕವನದಲಿ ಇಟ್ಟು ಕೊಡಲೇನು...?

 

ಸುಲಿದು ಕೊಡಲೇನು ಹೃದಯದಲಿ ತುಂಬಿರುವ ಭಾವನೆಯ ಕವಿತೆಗಳ ಒಂದೊಂದಾಗಿ...?

ವರ್ಣಿಸುವೆ ನಿನ್ನ ಸೌಂದರ್ಯ, ಗೆಳೆತನ, ಸ್ನೇಹ ಅದರೊಳಗೆ..!

ಹರಿಸುವೆ ಹೀಗೆ ಸಾಗರದಷ್ಟೇ ವಿಶಾಲ ಸಾಲುಗಳ ಕವಿತೆ ನಿನಗಾಗಿ.

ಗೆಳತಿ ಬಚ್ಚಿಟ್ಟುಕೋ ನೀ ನನ್ನ ಕವನದ ಒಳಗೆ ಬೆಚ್ಚನೆ.

ದುಖ:ವಿರಲಿ, ಸುಖವಿರಲಿ, ಹಂಚಿಕೊಳ್ಳುವ ಜೀವನದೊಳಗೆ.

ಗೆಳತಿ ಅನುಮಾನ ಬೇಡ ನನ್ನ ಮೇಲೆ, ಸದಾ ನಿನ್ನ ಜೊತೆಗಿರುವೆ ನಿನ್ನ ಕಣ್ಣರೆಪ್ಪೆ ಹಾಗೆ..!

 

$ ವಸಂತ ಬಿ ಈಶ್ವರಗೆರೆ $

ನಲ್ಲೆ

ಕಣ್ ಸನ್ನೆಯ ನೋಟ 
ತುಟಿಯಂಚಿನ ಮಾಟ
ನಲ್ಲೆ ನಿನ್ನ ನೋಟದಲ್ಲಿ.

ಬರಸೆಳೆವ ಮನಸ್ಸು 
ಬಿಗಿದಪ್ಪುವ ಕಾತರ 
ನಲ್ಲೆ ನೀ ಜೋತೆಗಿದ್ದಲ್ಲಿ.

ಕತ್ತಲಾದರೆ ಸಾಕು
ಮನ ಹೋಲುವುದು ನಿನ್ನತ್ತ
ನಲ್ಲೆ ನಿನ್ನ ಮೋಹದಲ್ಲಿ.

ಮುತ್ತು ಕೊಡುವೆ
ಮತ್ತೇರಿಸುವಂತೆ ನಗುವೆ
ನಲ್ಲೆ ನಿನ್ನೊಡನೆಯ ರಾತ್ರಿಯಲ್ಲಿ.

ಅನುರಾಗಕೆ ಅವಸರವಿಲ್ಲ
ಪ್ರಿತಿಯಷ್ಟೇ ಸದಾ ನೀ ಕೊಡುವೆಯಲ್ಲ
ನಲ್ಲೆ ಬಾಳ ಪಯಣದಲ್ಲಿ...!