ನಾನೀಗ ಕವಿಯಾಗುವೆ

ಕವಿಯಾಗುವೆ

ಮಲೆನಾಡ ಮಡಿಲೊಳಗೆ ಮಗುವಾಗುವೆ....!

ಹಸಿರೋದ್ದ ಸೆರಗೊಳಗೆ 

ಬಿಸಿಯಪ್ಪುಗೆಯ ಆಲಿಂಗನ  

ಮೈಮರೆತು ನಾನೀಗ ಕವಿಯಗುವೆ 

ಮುದ್ದು ಮಗುವಾಗುವೆ...!

 

ಗುಯ್ ಗುಡುವ ಜೇಂಕಾರದ ಸದ್ದು 

ಸಾಲಂಕೃತ ಮರಗಳ ಸಾಲು

ಇದುವೇ ನನ್ನಯಾ ಅರಮನೆ 

ಇಲ್ಲೇ ನನ್ನರಸಿಯ ಸಿರಿಮನೆ

ಕವಿಯಾಗುವೆ ನಾ ಹಸಿರೊಳಗೆ 

ಹಾಲುಗಲ್ಲದ ಮಗುವಾಗುವೆ....!

 

ಕಪ್ಪು ಕಾನನದೊಳಗೆ

ಮೆಚ್ಚಿನ ಪ್ರೀತಿಯ ಬೆಸುಗೆ

ಹುಚ್ಚೆದ್ದು ಕುಣಿದಿದೆ ಮನ

ಮೆಚ್ಚಿ ಉಲಿದಿದೆ ತನು

ಕವಿಯಾಗುವೆ ಮಲೆನಾಡ ಕುವರಿಯ ಜೊತೆ

ಕವಿಯಂತೆ ಕುವರ ನಾ ಆಗುವೆ.....

ಹಸಿರಿನ ಮದುವಣಗಿತ್ತಿಯ ಜೊತೆ ಹೀಗೊಮ್ಮೆ ಕವಿಯಾಗುವೆ......!